Yr hyn a gasglwn
Gallwn gasglu eitemau mawr fel hen bopty, dodrefn neu oergell/rhewgell. Gallwn gasglu hyd at 4 eitem.
Yr hyn nad ydym yn ei gasglu
Ni allwn gasglu:
- unrhyw wastraff masnachol (rhaid gwneud trefniadau gyda chontractwr preifat)
- gwastraff adeiladwyr
- gwastraff gardd (ewch â hwn i’ch canolfan ailgylchu leol)
- gwastraff tŷ dros ben (ewch â hwn i’ch canolfan ailgylchu leol)
- gwastraff hylendid (mae trefniant arbennig ar gyfer gwastraff hylendid - cysylltwch â ni)
Y cost
Mae’r gwasanaeth yn costio £46 yn cynnwys TAW i gasgu hyd at bedwar eitem.
Bydd angen tâl oflaen llaw drwy gerdyn debyd/credyd ar gyfer y gwasanaeth hwn.
Archebwch gasgliad
Gallwch archebu ar-lein gan ddefnyddio ein ffurflen ar-lein.
Rhowch wybod i ni os gwelwch yn dda:
- eich enw
- eich cyfeiriad
- yr eitemau i’w casglu
Rhaid cyflwyno pob eitem ar ymyl cwrtili'r eiddo neu mor agos at y briffordd â phosibl erbyn 7am ar ddiwrnod penodedig y casglu.
Os nad yw'r eitemau wedi'u cyflwyno yn y man casglu erbyn yr amser hwn a bod y cerbyd casglu wedi ceisio eu casglu, yn anffodus ni fyddwn yn gallu darparu ad-daliad.
Ni allwn gasglu unrhyw wastraff masnachol. Rhaid gwneud trefniadau gyda chontractwr preifat.
Fel arall, ffoniwch yr Adain Rheoli Gwastraff ar 01248 752 860 gyda’ch cerdyn credyd/debyd wrth law i dalu a threfnu’r casgliad.
Telerau ac amodau
Cael gwared ar wastraff swmpus am ddim
Canolfannau ailgylchu gwastraff domestig
Mae na 2 ganolfan ailgylchu gwastraff domestig lle y gallwch gael gwared ag eitemau mawr a gwastraff o’ch cartref am ddim.
Opsiynau eraill
- Defnyddiwch y rhyngrwyd lle y gallwch gael golwg ar wahanol wefannau ar gyfer gwerthu eich eitemau neu sut i ailddefnyddio eitemau diangen.
- Gall dodrefn gael ei werthu drwy roi hysbyseb mewn cylchgronau a phapurau newydd lleol.
- Opsiwn arall yw Dyfodol i Ddodrefn yn Llangefni. Maent yn derbyn dodrefn ac yna eu gwerthu am bris gostyngol. Maent hefyd yn darparu gwasanaeth casglu a gwasanaeth clirio tai am bris rhesymol. Ffoniwch 01248 724 433 am fwy o fanylion.