Crynodeb o'r prosiect

Rhaglen trwy gydol y flwyddyn o weithgareddau a phrosiectau a arweinir gan y gymuned, a ddatblygwyd gan bobl leol ar gyfer pobl leol. Hyrwyddo'r dreftadaeth leol, sut a pham y mae wedi'i rheoli, ei gwerth, a'r buddion lleol y mae'n eu darparu. Mae'r ffocws ar ymgysylltu â chynulleidfa eang ac amrywiol, galluogi cyfranogi mewn prosiectau treftadaeth, a recriwtio gwirfoddolwyr yn y dyfodol.

Partneriaid allweddol

• Dolen allannol i Menter Iaith Mon - agorir mewn tab newydd

Gweithgareddau

Ein Hanes Ni

Yn y Gwanwyn cymerodd Ysgol Gwenfaen Rhoscolyn ynghyd â Menter Iaith Môn, TeliMôn, S4C a’r Bartneriaeth ran yn Ein Hanes Ni. Mae’r prosiect yn annog plant yn eu ‘bro’ i ddysgu am y bobl, yr iaith, yr adeiladau, ac arferion lle maent yn byw. Mae hyn yn rhoi llais a gwerth i atgofion melys aelodau hŷn y gymuned, wrth addysgu’r genhedlaeth nesaf am hanes lleol.

Fel rhan o’r prosiect gofynnodd y disgyblion gwestiynau i drigolion hŷn er mwyn darganfod hanes eu hardal leol, ac ystyried sut mae pethau wedi newid dros y blynyddoedd. Mae’r prosiect yn annog plant a phobl i ymweld â gwahanol lefydd yn y pentrefi, trafod yr hanes, a chwilio am wybodaeth goll. Cafodd pob darganfyddiad ei ddogfennu, ei roi at ei gilydd ar ffurf ffilm fer, ac yna ei ddangos i drigolion yr ardal trwy gyflwyniadau arbennig ar ddiwedd y prosiect, er budd y gymuned gyfan.

Gwyliwch y ffilm ar YouTube

Teithiau Cerdded

Yn ystod Awst 2022 trefnodd y Bartneriaeth Ŵyl Gerdded Cybi mewn cydweithrediad â sefydliadau lleol. Arweiniwyd amrywiaeth o deithiau cerdded gan y Tîm Cefn Gwlad ac AHNE, y RSPB, Amgueddfa Forwrol Caergybi ac Ymddiriedolaeth Natur Gogledd Cymru gan rannu eu gwybodaeth leol arbenigol am amgylchedd, cymuned a threftadaeth nodedig Ynys Cybi.

Ym mis Medi 2022, arweiniodd Warden Cefn Gwlad Parc y Morglawdd, Wil Stewart, daith gerdded boblogaidd o amgylch yr Arfordir Creigiog, i gopa Mynydd Twr ac yna ymlaen i gaeau'r Lleiniau ger Pentre Mynydd. Cafwyd cyfraniadau hefyd ar yr amgylchedd naturiol, waliau cerrig traddodiadol a hanes gan y RSPB, Kehoe Countryside a swyddogion y Bartneriaeth.

Grantiau Gweithgareddau Cymunedol Ynys Cybi a Ni

Yn ystod hydref 2022 lansiodd y Bartneriaeth Grant Gweithgareddau Cymunedol Ynys Cybi a Ni. Roedd y Bartneriaeth yn falch o dderbyn nifer fawr o geisiadau ac yn y Panel dyfarnwyd grantiau rhwng £400 a £1000 i wyth o sefydliadau lleol. Bydd y grantiau yn ariannu gweithgareddau amrywiol gan gynnwys cefnogi gorymdaith Dydd Gŵyl Dewi, sesiynau i rieni a phlant bach archwilio byd natur, cyfansoddi rap yn y Gymraeg i godi ymwybyddiaeth o hanes Caergybi, a chreu draig Gymreig wiail 3m o uchder.

Cyfryngau

Oriel lluniau

×Cau'r Galeri

❮ ❯

Taith gerdded dywys Mynydd Twr

Cerddwyr yn mwynhau’r golygfa, Arfordir Creigiog

Taith gerdded dywys Mynydd Twr

Golygfa o Ynys Lawd

Taith gerdded dywys Mynydd Twr

Kehoe Countryside yn trafod bioamrywiaeth Mynydd Twr

Taith gerdded goffa Newry gydag Amgueddfa Forwrol Caergybi

Lansiad fideo Ein Hanes Ni, Neuadd Rhoscolyn

Prosiect Ein Hanes Ni, Ysgol Gwenfaen, Rhoscolyn

Taith gerdded goffa Newry gydag Amgueddfa Forwrol Caergybi