Cyngor Sir Ynys Môn

Diweddariad: 22 Rhagfyr

• Yn dilyn cwblhau gwaith adeiladau cynaliadwy, mae’r ysgol wedi cael mynediad llawn i lawr cyntaf bloc C a llawr canol y bloc newydd (ers 18 Rhagfyr).
• O ganlyniad, gall yr adran gelf ddychwelyd i’w hystafelloedd dosbarth arferol, a gall athrawon mathemateg symud o’r brif neuadd a’r ystafell arholi i ystafelloedd dosbarth unigol yn bennaf (gyda dwy ystafell ddosbarth yn ‘Yr Harbwr’).
• Bydd gwaith adferol yn dechrau yn bloc C ar ddechrau fis Ionawr.

Diweddariad: 27 Hydref

• Bydd y llawr cyntaf ar gael yn fuan ar ôl y gwyliau hanner tymor; gan gynyddu capasiti’r adeilad.
• Mae gwaith archwilio manwl wedi cadarnhau fod dyluniad y toeau yn caniatáu cynhaliaeth ddigonol i’r paneli RAAC.
• Disgwylir canlyniadau archwiliad scan laser er mwyn adnabod unrhyw baneli unigol sydd angen gwaith adfer. Mae amserlen dychwelyd yr ail lawr yn ôl i ddefnydd yr ysgol yn ddibynnol ar niferoedd y paneli adnabyddir.

Diweddariad: 22 Medi

• Mae’r gwaith o osod sgaffaldiau wedi dechrau ac fe ddylai hyn alluogi mynediad at ardal y chweched dosbarth erbyn Dydd Llun 25 Medi. Bydd hyn yn rhoi hwb sylweddol drwy ryddhau gofod ychwanegol a darparu mwy o gapasiti dysgu o fewn yr ysgol.
• Mwy o wybodaeth yn y datganiad i'r wasg.

Diweddariad: 14 Medi

• Bydd rhieni / gwarcheidwaid disgyblion Ysgol David Hughes yn derbyn taliadau prydau ysgol am ddim os yw eu plentyn / plant yn gymwys.
• Bydd taliadau prydau ysgol am ddim ar gyfer y dyddiau nad oedd modd i blant fynychu adeiladau yr ysgol uchod (oherwydd y mater RAAC parhaus) yn cael eu prosesu erbyn diwedd yr wythnos hon.
• Bydd y taliadau hyn yn cael eu talu’n uniongyrchol i gyfrif banc y rhiant / gwarcheidwad.
• Os ydych yn rhiant / gwarcheidwad plentyn / plant sy’n mynychu’r ysgolion hyn ac sy’n gymwys am brydau ysgol am ddim, ac nad ydych wedi derbyn y taliad erbyn dydd Mawrth 19 Medi, cysylltwch â’r Awdurdod drwy ffonio 01248 750 057 ac yna dewiswch opsiwn 3, wedyn opsiwn 1.

Darllenwch y datganiad i'r wasg am ragor o wybodaeth.

Diweddariad: 11 Medi

• O Ddydd Mawrth 12 Medi ymlaen, bydd Ysgol David Hughes yn croesawu pob blwyddyn yn nol i adeilad yr ysgol.
• Bydd rhai rhannau o'r adeilad yn parhau i fod allan o ddefnydd, a bydd rhai gwersi yn digwydd mewn lleoliadau eraill (fel y neuadd, ystafell arholiadau a'r llyfrgell).
• Mae gwaith adferol yn parhau er mwyn galluogi mynediad i ardaloedd ychwanegol o fewn adeilad yr ysgol.

Lawrlwytho: Llythyr at rieni/gwarcheidwaid Ysgol David Hughes: 11 Medi 2023 [538KB | PDF]

Diweddariad: 8 Medi

Diweddariad gyda'r nos

• Dydd Llun 11 Medi, bydd adeilad yr ysgol yn agor yn rhannol i Flynyddoedd 7, 8, 10, 11, 12 ac 13.
• Darperir dysgu ar-lein i ddisgyblion Blwyddyn 9 (dydd Llun, Medi 11eg).
• Ar hyn o bryd, nid yw'r ysgol yn gallu yn gallu cael yr holl ddisgyblion yn adeilad yr ysgol. Mae hyn yn golygu y bydd un flwyddyn yn cael gwersi ar-lein mewn cylchdro. Darperir rhagor o wybodaeth yr wythnos nesaf.

Mae mwy o wybodaeth ar gael yn y llythyr a anfonwyd gan Ysgol David Hughes i ddiweddaru rhieni a gwarcheidwaid (llythyr a anfonwyd 8 Medi).

Diweddariad bore

Anfonwyd llythyr at rieni a gwarcheidwaid gan Ysgol David Hughes ar noson 7 Medi.

Lawrlwytho: Llythyr at rieni/gwarcheidwaid Ysgol David Hughes: 7 Medi 2023 [277KB | PDF]

Diweddariad: 7 Medi

• Mae’r ysgol wedi yn ail-agor yn rhannol i ddisgyblion Blwyddyn 7, 11 a 12 heddiw (Dydd Iau, 7 Medi).
• Mi fydd yr ysgol yn agor yn rhannol i ddisgyblion Blwyddyn 7, 8, 11 a 12 yfory (Dydd Gwener 8 Medi).
• Bydd staff a disgyblion yn cael eu hadleoli i ardaloedd yn yr ysgol sydd ddim wedi’u heffeithio gan RAAC.
• Mae gwaith adferol ychwanegol yn cael ei wneud gyda'r gobaith o sicrhau bod rhagor o ddisgyblion yn gallu dychwelyd i'r ysgol yn ddiogel, a chyn gynted â phosibl.

Lawrlwytho: Llythyr at rieni/gwarcheidwaid Ysgol David Hughes: 6 Medi 2023 [600KB | PDF]

Diweddariad: 5 Medi

• Bydd yr ysgol yn ail-agor yn rhannol i ddisgyblion Blwyddyn 7, 11 a 12 ar Ddydd Iau 7 Medi.
• Bydd staff a disgyblion yn cael eu hadleoli i ardaloedd yn yr ysgol sydd ddim wedi’u heffeithio gan RAAC.
• Mae gwaith adferol ychwanegol yn cael ei wneud gyda'r gobaith o sicrhau bod rhagor o ddisgyblion yn gallu dychwelyd i'r ysgol yn ddiogel, a chyn gynted â phosibl.

Mae rhieni a gwarcheidwaid Ysgol David Hughes wedi cael gwybod am y datblygiadau hyn. Bydd yr ysgolion yn parhau i’w diweddaru yn rheolaidd.

Diweddariad: 4 Medi

Yn dilyn trafodaethau brys gyda Llywodraeth Cymru a gan gymryd ystyriaeth lawn o’r cyngor a ddarparwyd i sefydliadau addysgol yn Lloegr gan lywodraeth y DU, mae wedi’i gytuno y dylid cau Ysgol David Hughes dros dro er mwyn i archwiliadau diogelwch pellach gael eu cynnal ac er mwyn i gynlluniau amgen allu cael eu gwneud.

Diweddariad: 10 Ionawr

• Croesawyd Ysgol Uwchradd Caergybiholl ddisgyblion yn ôl i adeilad yr ysgol ar ddydd Mercher, 10 Ionawr.
• Croesawyd yr holl ddisgyblion yn ôl i’r adeilad yn dilyn gwaith trwsio sylweddol yn y blociau addysgu A ac C, y ffreutur a mannau allweddol eraill.
• Mwy o wybodaeth yn datganiad i’r wasg.

Diweddariad: 22 Rhagfyr

• Mae gwaith ar yr amrywiaeth o adeiladau bloc yn datblygu’n dda.
• Bydd modd symud dodrefn yn ôl i flociau addysgu A a C ar Ionawr 5 a 6.
• Bydd yr ysgol ar gau i ddisgyblion ar 8 a 9 Ionawr er mwyn galluogi athrawon i symud yn ôl i’w hystafelloedd dosbarth, ac i alluogi staff swyddfa i symud eu gweithfannau.
• Bydd yr holl ddisgyblion yn dychwelyd i’r ysgol ar 10 Ionawr.
• Mae gwaith adferol i’r caffeteria bron â dod i ben, a bydd hyn yn caniatáu mynediad llawn.
• Ar hyn o bryd, mae’r dderbynfa wedi’i lleoli yng nghefn adeilad yr ysgol (mae’r brif fynedfa yn dal ar gau).

Diweddariad: 27 Hydref

• Mae gwaith ar y gwahanol flociau yn mynd rhagddo. Unwaith y bydd y gwaith wedi’i gwblhau bydd mwy o gyfleoedd i gynnal gwersi wyneb yn wyneb.
• Mae’r gwaith adfer yn y ffreutur bron â’i gwblhau a bydd ar gael i bawb wedi hynny.
• Mae’r gwaith yn y campfeydd yn mynd rhagddo.

Diweddariad: 22 Medi

• Mae disgwyl i waith adfer y ffreutur gychwyn Dydd Llun 25 Medi a dylai gymryd oddeutu tair wythnos. Ar ôl ei gwblhau, bydd hyn yn galluogi mynediad llawn i’r ffreutur.
• O ddydd Llun 25 Medi, mae’r ysgol yn cynyddu'r mynediad at addysgu wyneb yn wyneb fesul un grŵp blwyddyn y dydd. Bydd dysgu ar-lein yn parhau i gael ei ddarparu i’r grwpiau blwyddyn sydd ddim yn adeilad yr ysgol yn ystod yr wythnos.
• Mwy o wybodaeth yn datganiad i’r wasg.

Mae mwy o wybodaeth ar gael yn y llythyr a anfonwyd gan Ysgol Uwchradd Caergybi i ddiweddaru rhieni a gwarcheidwaid (llythyr a anfonwyd 21 Medi).

Diweddariad: 14 Medi

• Bydd rhieni / gwarcheidwaid disgyblion Ysgol Uwchradd Caergybi yn derbyn taliadau prydau ysgol am ddim os yw eu plentyn / plant yn gymwys.
• Bydd taliadau prydau ysgol am ddim ar gyfer y dyddiau nad oedd modd i blant fynychu adeiladau yr ysgol uchod (oherwydd y mater RAAC parhaus) yn cael eu prosesu erbyn diwedd yr wythnos hon.
• Bydd y taliadau hyn yn cael eu talu’n uniongyrchol i gyfrif banc y rhiant / gwarcheidwad.
• Os ydych yn rhiant / gwarcheidwad plentyn / plant sy’n mynychu’r ysgolion hyn ac sy’n gymwys am brydau ysgol am ddim, ac nad ydych wedi derbyn y taliad erbyn dydd Mawrth 19 Medi, cysylltwch â’r Awdurdod drwy ffonio 01248 750 057 ac yna dewiswch opsiwn 3, wedyn opsiwn 1.

Darllenwch y datganiad i'r wasg am ragor o wybodaeth.

Diweddariad: 8 Medi

• O ddydd Llun 11 Medi, bydd adeilad yr ysgol yn ail-agor yn rhannol i hyd at ddau grŵp blwyddyn ar y tro.
• Yn ogystal, bydd adeilad yr ysgol yn ail-agor yn rhannol i flynyddoedd 12 a 13 ar gyfer gwersi unigol (o ddydd Llun 11 Medi).
• Mae gwaith adferol ychwanegol yn cael ei wneud gyda'r gobaith o sicrhau bod rhagor o ddisgyblion yn gallu dychwelyd i'r ysgol yn ddiogel, a chyn gynted â phosibl.

Mae mwy o wybodaeth ar gael yn y llythyr a anfonwyd gan Ysgol Uwchradd Caergybi i ddiweddaru rhieni a gwarcheidwaid (llythyr a anfonwyd 8 Medi).

Diweddariad: 5 Medi

• Bydd pob disgybl yn cael eu cyflwyno i addysg drwy wersi ar-lein (o Ddydd Iau 7 Medi).
• Ni fydd disgyblion yn dychwelyd i'r ysgol yr wythnos hon.
• Y gobaith yw y bydd rhai disgyblion yn gallu dychwelyd i’r ysgol yr wythnos nesaf ar ôl cynnal arolygiadau arbenigol pellach.

Mae rhieni a gwarcheidwaid Ysgol Uwchradd Caergybi wedi cael gwybod am y datblygiadau hyn. Bydd yr ysgolion yn parhau i’w diweddaru yn rheolaidd.

Diweddariad: 4 Medi

Yn dilyn trafodaethau brys gyda Llywodraeth Cymru a gan gymryd ystyriaeth lawn o’r cyngor a ddarparwyd i sefydliadau addysgol yn Lloegr gan lywodraeth y DU, mae wedi’i gytuno y dylid cau Ysgol Uwchradd Caergybi dros dro er mwyn i archwiliadau diogelwch pellach gael eu cynnal ac er mwyn i gynlluniau amgen allu cael eu gwneud.