Llesiant Meddwl Môn ydi enw gwasanaeth iechyd meddwl Cyngor Sir Ynys Môn.
Mae Llesiant Meddwl Môn yma i’ch cefnogi os ydych chi’n cael trafferth efo’ch iechyd meddwl oherwydd ffactorau cymdeithasol.
Mae Llesiant Meddwl Môn yn wasanaeth sy’n cael ei arwain gan weithwyr cymdeithasol. Mae’n darparu gwasanaeth cymorth a gofal cymdeithasol i’ch helpu chi efo’ch iechyd meddwl.
Bydd y tîm yn eich rhoi chi a’ch gofalwr yng nghanol y cymorth. Nod hyn yw defnyddio dulliau cadarnhaol sy’n canolbwyntio ar adferiad er mwyn helpu pobl i wella o salwch meddwl difrifol.
Cydweithio efo Bwrdd Iechyd Betsi Cadwaladr
Mae Llesiant Meddwl Môn yn gweithio’n agos efo Tîm Iechyd Meddwl Cymunedol Bwrdd Iechyd Betsi Cadwaladr. Mae hyn er mwyn sicrhau y bydd dull cyd-gysylltiedig yn cael ei roi ar waith ar ôl asesu’ch anghenion. Mae’n bosib y byddwch wedi clywed hyn yn cael ei alw’n ddull ‘holistaidd’.
Fe all olygu bod y naill dîm yn darparu cymorth wedi’i dargedu. Llesiant Meddwl Môn sy’n arwain ar faterion cymdeithasol a’r Tîm Iechyd Meddwl Cymunedol sy’n arwain ar faterion iechyd, megis rheoli meddyginiaeth.
Pwy ydym ni’n eu cefnogi
- Pobl dros 18 oed
- Pobl sydd yn byw yn Ynys Môn
- Pobl ag anghenion iechyd meddwl sylweddol sy’n effeithio arnynt o ddydd i ddydd
- Pobl sy’n gymwys i dderbyn ôl-ofal 117
Beth sydd ar gael
- Gwybodaeth a chyngor a help efo gofal cymdeithasol i bobl sy’n wynebu heriau iechyd meddwl. Fe all hyn gynnwys eich cynghori a’ch cyfeirio at sefydliadau eraill a all ddarparu cymorth ychwanegol.
- Cymorth wedi’i dargedu y dilyn asesiad anghenion iechyd meddwl gan dîm o weithwyr cymdeithasol.
- Gwasanaethau cymorth personol i helpu pobl fyw mor annibynnol â phosibl.
Cysylltwch
Nid oes raid i chi fod adnabyddus i dîm iechyd meddwl arbenigol.
Yn gyntaf oll dylech drafod eich iechyd efo’ch Meddyg Teulu. Gall eich Meddyg Teulu eich helpu i benderfynu pa fath o gymorth y mae arnoch ei angen a’ch cyflwyno i’r gwasanaeth iechyd meddwl neu’r cymorth cywir.
Ni all Llesiant Meddwl Môn dderbyn cyfeiriadau ar ran rhywun arall heb eu caniatâd.
Sut i gysylltu
Yn ystod oriau swyddfa
Teulu Môn ydi’r pwynt cyswllt cyntaf ar gyfer gwasanaethau gofal cymdeithasol a nhw fydd yn derbyn pob atgyfeiriad.
Rhif Ffôn: 01248 725 888
Ebost: ASDUTY@ynysMôn.llyw.cymru
Mae swyddfeydd y Cyngor ar agor rhwng 8.45am a 5pm, Dydd Llun – Dydd Gwener
Y tîm tu allan i oriau
Rhif ffôn y tîm tu allan i oriau ydi 01248 353 551.
Argyfyngau
Mae help ar gael gan GIG Cymru, 24 awr o’r dydd 7 niwrnod yr wythnos.
Ffoniwch 111 a dewiswch opsiwn 2.
Ewch i’r Adran Ddamweiniau ac Achosion Brys neu ffoniwch 999 os ydych chi, neu rywun arall, mewn perygl uniongyrchol.
Sut i gyfeirio at Llesiant Meddwl Môn
Mae Llesiant Meddwl Môn yn derbyn cyfeiriadau gan:
- brif ofalwyr (megis eich meddyg teulu)
- y tîm gofal cymdeithasol oedolion
- sefydliadau eraill
- unigolion (hunan-gyfeiriad)
- y Tîm Iechyd Meddwl Cymunedol (Bwrdd Iechyd)
Bydd pob cyfeiriad gan y Tîm Iechyd Meddwl Cymunedol yn cael ei drosglwyddo’n syth i Llesiant Meddwl Môn (tîm iechyd meddwl Cyngor Môn).
Bydd rhaid i bob cyfeiriad arall fodloni’r meini prawf ar gyfer gofal iechyd meddwl eilaidd. Yna bydd y ffurflen yn cael ei hanfon i Teulu Môn, pwynt cyswllt cyntaf Cyngor Môn ar gyfer gwasanaethau gofal cymdeithasol.
Os ydi’r cyfeiriad yn addas, bydd y ffurflen yn cael ei hanfon i Llesiant Meddwl Môn.
Sefydliadau a all eich cefnogi
Os oes gennych bryder, neu hwyliau isel sy'n effeithio'n sylweddol ar eich bywyd, mae'n bwysig cael cymorth a chefnogaeth.
Mae grwpiau a sefydliadau yn Ynys Môn sy’n cynnig cymorth a chefnogaeth gyda’ch lles.
Bydd yr holl ddolenni yn y rhestr hon yn agor tab newydd yn eich porwr.