Rhaglen ARFOR 2 (hyd at Mawrth 2025)
Ar 10 Hydref 2022, cyhoeddodd Llywodraeth Cymru y bydd £11 miliwn pellach yn cael ei ddarparu ar gyfer ail wedd ARFOR hyd at diwedd Mawrth 2025.
Bydd y rhaglen yn parhau i weithredu ar draws Ynys Môn, Gwynedd, Ceredigion a Sir Gâr, er mwyn: “Cefnogi'r cymunedau sy'n gadarnleoedd y Gymraeg i ffynnu drwy ymyraethau economaidd fydd hefyd yn cyfrannu at gynyddu cyfleoedd i weld a defnyddio'r Gymraeg yn ddyddiol”.
Amcanion strategol ARFOR
- Creu cyfleoedd i pobl a teuluoedd ifanc (35 oed neu iau) aros neu i ddychwelyd i’w cymunedau cynhenid - gan eu cefnogi i lwyddo’n lleol drwy fentro neu ddatblygu gyrfa a sicrhau bywoliaeth sydd yn cyflawni eu dyheadau.
- Creu cymunedau mentrus o fewn y fro Gymraeg - drwy gefnogi mentrau masnachol a chymunedol sy’n anelu i gadw a chynyddu cyfoeth lleol gan fanteisio ar hunaniaeth a rhinweddau unigryw eu hardaloedd.
- Uchafu budd gweithgaredd drwy gydweithio - drwy sefydlu meddylfryd dysgu drwy wneud a gwella parhaus, dysgu o weithgaredd o fewn ardaloedd unigol ac yna ei ymestyn, ond gyda teilwra i amgylchiadau lleol.
- Cryfhau hunaniaeth cymunedau sydd â dwysedd uchel o siaradwyr Cymraeg - drwy gefnogi defnydd a gwelededd y Gymraeg, annog naws am le a theyrngarwch lleol, ynghyd â chynyddu ymwybyddiaeth o’r hyn sy’n gyffredin ar draws yr rhanbarth.
Trosolwg o'r gwahanol ffrydiau gwaith
Cronfa Cymunedau Mentrus – Ynys Môn
Grantiau i gefnogi datblygiad economaidd a’r Gymraeg i fusnesau ar Ynys Môn (a weinyddir gan Gyngor Sir Ynys Môn)
Trosolwg o'r cynnydd hyd yma;
*Cronfa bellach wedi'i dyrannu'n llawn
Mynd i Cronfa Cymunedau Mentrus- Ynys Môn.
Cytundebau rhanbarthol a reolir gan swyddfa rhaglen ARFOR
Llwyddo’n Lleol 2050
Gweinyddir gan Menter Môn
Nod Llwyddo'n Lleol yw dangos bod cyfleoedd cyffrous a dyfodol disglair ar gael yn ardaloedd ARFOR. Cynnig cymorth i unigolion dan 35 oed i allu adnabod y cyfleoedd gwaith yn eu hardaloedd a chynnig cymorth i fusnesau gynnig cyflogaeth i bobl ifanc lleol. Mae unigolion a busnesau wedi derbyn cymorth tuag at gostau cyflog, cyfleoedd arbennig, a/neu hyfforddiant i staff.
Mynd i Llwyddo’n Lleol (agor mewn tab newydd).
Cronfa Her
Gweinyddir gan Mentera.
Prosiectau arloesol i archwilio atebion sy'n cryfhau'r berthynas rhwng iaith ac economi.
Prosiectau a leolir ar Ynys Môn a arweinir gan M- Sparc;
Rhwydwaith Cymry Llundain
Cynllun sy’n rhoi cyfle i M-SParc a’r rhanbarth i amlygu’r cyfleoedd sydd ar gael ar draws Ardal ARFOR i gymuned Cymry Llundain.
Gwlad y Gemau (Cwmni Haia)
Cynllun i adfywio’r Gymraeg drwy arloesedd Esports a thechnoleg iaith.
MySparc
Porth digidol (ar ffurf Ap) fydd yn dod ag eco-system fusnes, menter, academia, myfyrwyr a buddsoddwyr at ei gilydd mewn un lle i greu cymuned Arloesi ARFOR.
Academi Iaith a Gwaith
Cynllun cyflogaeth sy’n cynnig gwaith o safon i bobl leol sy’n rhoi’r cyfle iddynt ddysgu neu wella a defnyddio’r iaith Gymraeg. Mae’r cynllun yn cynnig cymorth ariannol i fusnesau tra’n cyflogi; a chreu gofodau Cymraeg.
Bwrlwm ARFOR
Arweinir gan Grŵp Ymgynghori Lafan sydd yn rhannu casgliad o straeon, ymgyrchoedd, digwyddiadau, gweithdai ac astudiaethau achos sy’n dathlu twf economaidd a chryfder y Gymraeg yn Sir Gaerfyrddin, Gwynedd, Ceredigion ac Ynys Môn.
Am ragor o wybodaeth am y rhaglen a'i chronfeydd rhanbarthol, ewch i wefan ARFOR (agor mewn tab newydd).